२२ आश्विन २०८३, बिहीबार
२२ असोज काठमाडौं । एकदिवसीय क्रिकेटको विश्व वरियतामा नेपाल १६ स्थानमा उक्लिएको छ।
अन्तर्राष्ट्रिय क्रिकेट परिषद् (आइसिसी) ले विहिबार सार्वजनिक गरेको आइसिसी पुरुष एकदिवसीय वरियतामा नेपालले एक स्थान सुधार गर्दै १६औँ स्थानमा उक्लिएको हो।
नेपालले ३३ खेलमा ९३९ अंकसहित २८ रेटिङ प्राप्त गरेको छ। नेपालभन्दा अघि अमेरिका १५औँ स्थानमा छ। त्यस्तै नेपालभन्दा पछाडि नामिबिया १७औँ स्थानमा छ।
एकदिवसीय विश्व वरियतामा भारत शीर्ष स्थानमा रहँदा न्यूजील्याण्ड दोस्रो स्थानमा छ। त्यसैगरी दक्षिण अफ्रिका तेस्रो स्थानमा रहेको छ भने अष्ट्रेलिया चौथो तथा पाकिस्तान पाँचौँ स्थानमा छन्।
प्रकाशित मिति: २२ आश्विन २०८३, बिहीबार
